ᕿᑭᕐᑕᓂ ᐃᖃᓗᓕᕆᔨᒃᑯᑦ ᑐᓴᕐᑎᑦᓯᓂᐊ ᓄᑖᓂᒃ ᑲᑎᒪᔨᓂᒃ; ᑕᐃᕕᑦ ᐊᓕᒃᓵᓐᑐᕐ ᐃᒃᓯᕙᐅᒧᑦ ᓂᕈᐊᕐᑕᐅᓂᐊ

ᐃᖃᓗᐃᑦ, ᓄᓇᕗᑦ, ᒫᕐᔨ 5, 2020

ᕿᑭᕐᑕᓂ ᐃᖃᓗᓕᕆᔨᒃᑯᑦ ᑲᑎᒪᔨᖏᑦ ᖁᔭᓕᕗᑦ ᑐᓴᕐᑎᑦᓯᒋᐊᖅ ᓂᕈᐊᕐᑕᐅᓚᐅᕐᒪᑦ ᑕᐃᕕᑦ ᐊᓕᒃᓵᓐᑐᕐ,
ᐊᒪᕈᒃᑯᓐᑯᑦ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ, ᐃᒃᓯᕙᐅᑕᐅᓂᐊᓕᕐᑎᓪᓗᒍ ᑲᑎᒪᑎᓪᓗᒋᑦ ᑲᑎᒪᔩᑦ
ᒪᕐᔨ 3, 2020,ᒥ, ᐃᖃᓗᓐᓂ. ᐅᑯᐊ ᐊᑖᓂ ᑎᑎᕋᕐᓯᒪᔪᑦ ᓂᕈᐊᕐᑕᐅᓚᐅᕐᑐᑦ ᐅᕝᕙᓘᓐᓃᑦ ᓇᓗᓇᐃᕐᑕᐅᓯᒪᔪᑦ
ᑲᑎᒪᔨᐅᓂᖏᓐᓄᑦ ᕿᑭᕐᑕᓂ ᐃᖃᓗᓕᕆᔨᑯᑦ ᑲᑎᒪᔨᖏᓐᓄᑦ:
ᑲᑎᒪᔨ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᑦ
ᑕᐃᕕᑦ ᐊᓕᒃᓵᓐᑐᕐ, ᑲᑎᒪᑎᑦᓯᔨ ᐊᒪᕈᖅ
ᓕᐅ ᒪᒃᑖ, ᑲᑎᒪᑎᑦᓯᔨᐅᑉ ᑐᓪᓕᖓ ᒥᑦᑎᒪᑕᓕᒃ
ᒥᑭᔾᔪᒃ, ᑎᑎᕋᕐᑎ ᒪᔪᒃᑲᓕᒃ
ᐱᓕ ᐃᑦᑐᐊᓐᖓᑦ, ᐃᒃᓯᕙᐅᑕᖅ, ᑮᓇᐅᔭᓕᕆᓂᕐᒧᑦ
ᑲᑎᒪᔨᓄᑦ
ᐸᓐᓂᕐᑑᖅ
ᒪᓕᒃᑑ ᓚᐃᑕ ᒪᔪᒃᑲᓕᒃ
ᐃᐅᕆᒃ ᐅᑦᑐᕙᒃ ᒥᑦᑎᒪᑕᓕᒃ
ᕌᔭ ᐃᑦᑐᐊᖓᑦ ᓇᖕᒪᐅᑕᖅ
ᓄᐊ ᐊᓗᑭ ᐊᒪᕈᖅ
ᑭᐊᓕ ᖄᐱᒃ ᐸᓐᓂᕐᑑᖅ
ᔫᒥ ᐊᐸᒃ ᓇᖕᒪᐅᑕᖅ

“ᖁᔭᓕᒍᒪᕗᖓ ᐃᒃᓯᕙᐅᑕᐅᓯᒪᔪᒥᒃ ᔮᓂ ᒪᐃᒃᒥᒃ ᐃᑲᔪᕐᓯᒪᓂᐊᓄᑦ ᐊᕐᕌᒍᓚᐅᕐᑐᖅ,” ᐅᖃᓚᐅᕐᑐᖅ ᑕᐃᕕᑦ ᐊᓕᒃᓵᓐᑐᕐ, “ᓂᕆᐅᓐᓂᖃᑦᓯᐊᕐᐳᖓ ᕿᑭᕐᑕᓂ ᐃᖃᓗᓕᕆᔨᒃᑯᑦ ᑲᔪᓯᑦᓯᐊᖏᓐᓇᕐᑎᒍᒪᓪᓗᒋᑦ ᐊᑲᐅᔪᒃᑯᑦ.
ᐸᕐᓇᒃᓯᒪᕗᒍᑦ ᑲᑎᒪᖃᑎᖃᕐᑐᒃᓴᐅᓂᕐᒧᑦ ᓄᓇᓕᓐᓂᒃ ᐊᕐᕌᒍᒋᔭᑦᑎᓐᓂ ᐃᓚᐅᒍᑎᖃᕐᑐᑦ ᓂᐱᖃᖃᑕᐅᖁᓪᓗᒋᑦ
ᐱᕙᓪᓕᐊᑎᑦᓯᓂᒃᑯᑦ ᐊᒻᒪ ᓄᓇᓕᓐᓂ ᐃᑲᔪᕈᓐᓇᕐᓯᕙᓪᓕᐊᓂᒃᑯᑦ.”
ᕿᑭᕐᑕᓂ ᐃᖃᓗᓕᕆᔨᒃᑯᑦ ᒥᒃᓵᓄᑦ ᑐᑭᓯᒋᐊᕐᕕᒃᓴᖅ
ᕿᑭᕐᑕᓂ ᐃᖃᓗᓕᕆᔨᒃᑯᑦ 100%,ᑯᑦ ᐃᓄᓐᓄᑦ ᓇᒻᒥᓂᕆᔭᐅᒻᒪᑦ ᐊᒻᒪ ᐃᓄᓐᓄᑦ ᑲᒻᐸᓂᕆᔭᐅᓪᓗᓂ ᐊᒻᒪ
ᐱᓕᕆᓂᖃᕐᐸᑦᑐᑦ ᑲᓇᑕᐅᑉ ᐅᑭᐅᕐᑕᕐᑐᖓᓂ ᐃᖃᓗᓕᕆᓂᒃᑯᑦ. ᓇᒻᒥᓂᕆᔭᐅᔪᖅ ᑲᑐᑎᓪᓗᑎᒃ ᑕᓪᓕᒪᓄᑦ
ᐊᖑᓇᑐᑦᑐᓕᕆᓂᕐᒧᑦ ᑲᑐᔾᔨᖃᑎᒌᓄᑦ ᓄᓇᕗᒻᒥ: ᐊᒪᕈᖅ ᐊᖑᓇᓱᑦᑐᓕᕆᔨᖏᑦ (ᐃᖃᓗᐃᑦ), ᐸᓐᓂᕐᑑᑉ
ᐊᖑᓇᓱᑦᑐᓕᕆᔨᖏᑦ (ᐸᓐᓂᕐᑑᖅ), ᒪᔪᒃᑲᓕᒃ ᐊᖑᓇᓱᑦᑐᓕᕆᔨᖏᑦ (ᑭᒻᒥᕈᑦ), ᒥᑦᑎᒪᑕᓕᒃ
ᐊᖑᓇᓱᑦᑐᓕᕆᔨᖏᑦ (ᒥᑦᑎᒪᑕᓕᒃ, ᐊᒻᒪ ᓇᖕᒪᐅᑕᖅ ᐊᖑᓇᓱᑦᑐᓕᕆᔨᖏᑦ (ᑲᖏᕐᑐᒑᐱᒃ). ᐊᑐᓂᑦ
ᐊᖑᓇᓱᑦᑐᓕᕆᓂᕐᒧᑦ ᑎᒥᐅᔪᑦ ᓂᕈᐊᕐᓯᕙᑦᑐᑦ ᑭᒡᒐᕐᑐᕐᑎᒃᓴᒥᓂᒃ ᑲᑎᒪᔨᐅᓗᑎᒃ.
ᐊᐅᓚᑕᖏᑦ
ᐊᑐᕐᓂᒃᑯᑦ ᑕᒪᕐᒥᒃ ᓇᒻᒥᓂᕆᔭᐅᓂᖓᓂᒃ, ᓂᕿᑕᖅ ᐃᖃᓗᓕᕆᔨᖏᑦ ᕿᑭᕐᑕᓂ ᓇᒻᒥᓂᖃᕐᑐᑦ ᑕᒪᐃᓐᓂᒃ
100% ᐱᐊᓱᓂᒃ ᐅᒥᐊᕐᔪᐊᓂᒃ, ᐱᖃᓯᐅᑎᓪᓗᒋᒃ ᒪᕐᕉᒃ ᐊᖏᔪᐊᓘᒃ ᖁᐊᒃᑯᕕᑦ ᑲᓕᐅᑎᖃᕐᓱᑎᒃ
ᐊᔾᔨᒌᖏᑦᑐᓄᑦᑦ ᐆᒪᔪᓄᑦ ᐊᒻᒪ ᒪᑦᑎᑦᑕᐅᑎᖃᕐᓱᑎᒃ. ᕿᑭᕐᑕᓂ ᐃᖃᓗᓕᕆᔨᒃᑯᑦᑦ ᐃᖃᓗᓐᓂᐊᕐᐹᑦᑐᑦ
ᐊᑯᑭᑦᑐᓂ ᖃᓕᕋᓕᓐᓂᒃ (ᖃᓕᕋᓕᑦ) ᐃᒪᖓᓂᓗ ᑭᖑᑦᑕᕐᐸᑦᓱᑎᒃ ᐅᑭᐅᕐᑕᕐᑑᑉ ᐃᒪᖏᓐᓂ, ᐊᒻᒪ
ᓂᐅᕕᐊᒃᓴᓕᐅᕐᐸᑦᓱᑎᒃ ᓯᓚᕐᔪᐊᓕᒫᒧᑦ.
ᖃᓄᐃᖏᑦᓯᐊᕋᓱᐊᕐᓂᖅ, ᐊᒻᒪ ᐊᕙᑎ
ᕿᑭᕐᑕᓂ ᐃᖃᓗᓕᕆᔨᒃᑯᑦ ᐱᓕᕆᔾᔪᓯᖃᕐᐳᑦ ᑲᔪᓯᑎᑦᓯᓯᐊᕆᐊᖅ ᐊᒻᒪ ᐊᑐᑦᓯᐊᕆᐊᖅ ᖃᓄᐃᖏᑦᓯᐊᕈᑎᓂᒃ,
ᐊᑦᑕᓇᐃᒃᑯᑎᓂᓪᓗ ᒥᐊᓂᕐᓯᓂᒃᑯᑦ ᐱᒻᒪᕆᐅᑎᓂᕐᐹᕆᓪᓗᒍᓗ ᐱᔅᓇᓯᕆᔭᐅᔪᒧᑦ. ᑐᕌᒐᖃᕐᑐᒍᑦ ᐊᕙᑎᒥᒃ ᐊᒻᒪ
ᐊᕙᑎᒥᐅᑕᓂᒃ ᒥᐊᓂᕐᓯᑦᓯᐊᕆᐊᖅ ᓯᕗᓂᒃᓴᒧᑦ, ᐊᒻᒪ ᓄᖅᑲᐅᒪᑎᑦᓯᓇᓱᐊᕐᓂᕐᒥᒃ
ᐊᑲᐅᖏᓕᐅᑐᐃᓐᓇᕆᐊᖃᓂᕐᒥᒃ ᐃᖅᑲᓇᐃᔭᕐᕕᓐᓂ, ᐋᓐᓂᕐᑕᐃᓕᒪᓂᕐᒥᒃ ᐊᒻᒪ ᖃᓂᒪᑦᑕᐃᓕᒪᓂᕐᒥᒃ.
ᑲᔪᖏᕐᓱᐃᓂᖃᕐᐸᑦᑐᒍᑦ ᖃᓄᐃᖏᑦᓯᐊᕆᐊᖃᓂᕐᒥᒃ ᐊᒻᒪ ᐊᑦᑕᓇᕐᑕᐃᓕᒪᓂᕐᒥᒃ, ᐊᒻᒪ ᓴᐳᒻᒥᓂᕐᒥᒃ ᐊᕙᑎᒥᒃ,
ᓯᕗᓪᓕᐅᔾᔭᐅᑎᓪᓗᒋᑦ ᐊᑐᕐᑕᐅᓗᑎᒃ ᐃᖅᑲᓇᐃᔭᕐᑎᓄᑦ ᑲᒻᒪᓂᐅᔪᒧᑦ.
ᐃᖅᑲᓇᐃᔭᕐᑎᑖᕐᐸᓪᓕᐊᓂᖅ
ᕿᑭᕐᑕᓂ ᐃᖃᓗᓕᕆᔨᒃᑯᑦ ᐅᒃᐱᕈᓱᒻᒪᕆᒻᒪᑕ ᐃᓕᓴᐃᓂᕐᒥᒃ, ᐃᖅᑲᓇᐃᔭᕐᑎᑖᕐᐸᓪᓕᐊᓂᕐᒥᒃ ᐃᓄᓐᓂᒃ
ᐱᒻᒪᕆᐅᒻᒪᑦ ᐃᑲᔪᕈᑕᐅᓗᑎᒃ ᓄᓇᓕᓐᓄᑦ. ᕿᑭᕐᑕᓂ ᐃᖃᓗᓕᕆᔨᒃᑯᑦ ᑐᕌᒐᖃᕐᐳᑦ ᓄᓇᕗᒻᒥᐅᓂᒃ
ᐃᓕᓴᐃᒋᐊᖅ ᐃᖅᑲᓇᐃᔭᕐᓂᖏᑎᒍᑦ ᐊᔾᔨᒌᖏᑦᑐᓄᑦ.
ᑐᑭᓯᒋᐊᒃᑲᓐᓂᕈᒪᔪᖃᕈᓂ ᐃᖅᑲᓇᐃᔮᒃᓴᐃᑦ ᐅᒥᐊᕐᔪᐊᒥ ᒥᒃᓵᓄᑦ, ᐅᖃᕕᒋᓗᒍ ᐅᓇ
ᖃᕙᕙᐅᖅ ᒥᑭᔾᔪᒃ
[email protected]
ᑐᑭᓯᒋᐊᒃᑲᓐᓂᕈᒪᔪᖃᕈᓂ ᕿᑭᕐᑕᓂ ᐃᖃᓗᓕᕆᔨᒃᑯᑦ ᒥᒃᓵᓄᑦ:
ᑕᐃᕕᑦ ᐊᓕᒃᓵᓐᑐᕐ, ᑲᑎᒪᑎᑦᓯᔨ
[email protected]
ᒃᕇᔅ ᕙᓚᓂᑲᓐ, ᐱᓕᕆᐊᓂᒃ ᑲᒪᔨᒻᒪᕆᒃ
[email protected]
www.baffinfisheries.ca

BACK TO NEWS

Message Baffin Fisheries

Baffin Fisheries

COVID-19 Update

The health and safety of our employees, communities, and products remain our top priority at Baffin Fisheries. We are taking significant precautionary measures and implementing new policies and procedures to stay safe during the COVID-19 coronavirus pandemic. Learn more by clicking the links below.

COVID-19 Update

ᓄᕙᔪᐊᕐᓇᕐᒧᑦ-19 ᓄᑖᖅ ᓇᓗᓇᐃᖅᑕᐅᓯᒪᓕᖅᑐᑦ