ᕿᑭᕐᑖᓗᓐᓂ ᐃᖃᓗᓕᕆᔨᒃᑯᑦ ᐊᑕᖏᕐᓱᒍ 100%,ᒧᑦ ᐃᓄᓐᓄᑦ ᓇᒻᒥᓂᕆᔭᐅᔪᖅ ᑲᒻᐸᓂ. ᑲᒻᐸᓂ ᓇᒻᒥᓂᕆᔭᐅᔪᖅ ᑲᑐᑎᓪᓗᒍ ᑕᓪᓕᒪᓄᑦ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᓄᑦ ᕿᑭᕐᑕᓂ ᓄᓇᕗᒻᒥ: ᐸᓐᓂᖅᑑᖅ, ᐊᒪᕈᖅ (ᐃᖃᓗᐃᑦ), ᒥᑦᑎᒪᑕᓕ (ᒥᑦᑎᒪᑕᓕᒃ), ᒪᔪᑲᓕᒃ (ᑭᒻᒥᕈᑦ), ᐊᒻᒪ ᓇᒻᒪᐅᑕᓕᒃ (ᑲᖏᕐᑐᒑᐱᒃ). ᕿᑭᕐᑕᓂ ᐃᖃᓗᓕᕆᔨᒃᑯᑦ ᓇᒻᒥᓂᖃᕐᐳᑦ ᐊᒻᒪ ᐊᐅᓚᑦᓯᓪᓗᑎᒃ ᒪᕐᕉᓐᓂᒃ ᖁᐊᒃᑯᕕᓐᓂᒃ ᐅᓂᐊᒐᕐᓂᒃ ᐊᒻᒪ ᐊᑕᐅᓯᕐᒥᒃ ᓂᐅᕕᐊᒃᓴᓄᑦ ᖁᐊᒃᑯᕕᒻᒥᒃ ᒪᑦᑎᑦᑕᐅᑎᓄᑦ. ᐊᓪᓚᕕᖃᕐᑐᑦ ᐃᖃᓗᓐᓂ ᐊᒻᒪ ᐊᓪᓚᕕᖃᕆᓪᓗᑎᒃ ᐱᐅᕆᑕᐃᔅᒥ, Paradise, ᓂᐅᕙᐅᓐᓛᓐᒥ, ᐸᓐᓂᕐᑑᒥ, ᐊᒻᒪ ᒥᑦᑎᒪᑕᓕᒻᒥ. ᕿᑭᕐᑕᓂ ᐃᖃᓗᓕᕆᔨᒃᑯᑦ ᐃᓚᐅᕕᖃᕐᒥᔪᑦ ᐊᖏᔫᖏᑦᑐᒃᑯᑦ ᐸᓐᓂᕐᑑᒥ ᐃᖃᓗᓕᕆᔨᓄᑦ. ᑐᕌᒐᖃᕐᐳᒍᑦ ᐊᖏᓪᓕᑎᑦᓯᒐᓱᐊᕆᐊᖅ ᐃᑲᔫᓯᐊᖑᕙᑦᑐᓂᒃ ᐊᒻᒪ ᑲᔪᓯᑦᓯᐊᖏᓐᓇᖁᓪᓗᒍ ᐃᖃᓗᓕᕆᓂᖅ ᓄᓇᕗᒻᒥ. ᑮᓇᐅᔭᓕᐅᕐᐸᑦᑐᒍᑦ ᐃᖃᓗᓐᓂᐊᕐᓂᕐᒧᑦ ᓂᐅᕕᐊᒃᓴᓂᒃ ᐃᑲᔪᕐᑕᐅᔾᔪᑎᒃᓴᓕᐅᕈᑕᐅᓂᐊᕐᑎᓪᓗᒍ ᐊᒻᒪ ᐱᕕᒃᓴᖃᕈᑕᐅᓗᓂ ᑮᓇᐅᔭᓕᐅᕐᓂᒃᑯᑦ ᐃᖅᑲᓇᐃᔭᕐᓂᒃᑯᓪᓗ ᓄᓇᓕᑦᑎᓐᓂ.
Cancel
Message Baffin Fisheries
Baffin Fisheries
