ᐱᓕᕆᖃᑎᒌᓐᓂᖅ

ᑲᔪᓯᑦᓯᐊᖏᓐᓇᕈᓐᓇᕐᓂᖅ

ᐊᑲᐅᓯᑎᑦᓯᒋᐊᖏᓐᓇᕐᓂᒃᑯᑦ ᐃᖃᓗᓕᕆᓂᕐᒧᑦ ᐱᓕᕆᔾᔪᓯᑦᑎᓐᓂᒃ

ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᐃᑲᔪᕐᓯᕗᑦ ᓄᑖᓂᒃ ᖃᕆᑕᐅᔭᓕᕆᓂᕐᒥᒃ ᐊᒻᒪ ᖃᐅᔨᓴᕐᓂᕐᒥᒃ ᐃᑲᔪᕈᑕᐅᓂᐊᕐᑎᓪᓗᒋᑦ ᖃᓄᑐᐃᓐᓇᖅ ᐊᕙᑎᒥᒃ ᐃᖃᓗᓐᓂᓪᓗ ᐊᑦᑐᐃᓂᕐᓗᑦᑕᐃᓕᓂᕐᒧᑦ. ᕿᒥᕐᕈᖃᑎᖃᑦᓯᐊᕐᐸᑦᑐᒍᑦ ᐱᓕᕆᖃᑎᒋᔭᑦᑎᓐᓂᒃ ᐊᒻᒪ ᐊᑐᐊᒐᓕᐅᕐᑎᓂᒃ ᐋᖅᑭᒃᓱᐃᓂᒃᑯᑦ ᒥᐊᓂᕐᓯᒍᑎᒃᓴᓂᒃ ᐊᒻᒪ ᐋᖅᑭᐅᒪᑎᑦᓯᓯᐊᕐᓂᕐᒧᑦ ᐱᓕᕆᔾᔪᓯᒃᓴᓂᒃ, ᐊᒻᒪ ᐃᒃᐱᒍᓱᓐᓂᖃᑦᓯᐊᕐᓱᑕ ᐃᓄᐃᑦ ᐊᖑᓇᓱᒍᓐᓇᕐᓂᕐᒧᑦ ᐱᔪᓐᓇᐅᑎᖏᓐᓂᒃ ᐊᒻᒪ ᓯᕗᓪᓕᐅᔾᔭᐅᖁᔭᐅᔪᓂᒃ. ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᑐᕌᒐᖃᕐᐳᑦ ᑲᔪᓯᑎᑦᓯᓯᐊᕐᓂᕐᒥᒃ ᐃᖃᓗᓕᕆᓂᒃᑯᑦ ᐃᑲᔪᕈᑕᐅᓂᐊᕐᑎᓪᓗᒋᑦ ᓄᓇᕗᒻᒥᐅᓄᑦ ᓯᕗᓂᖓᓄᓪᓗ.

ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᐱᓕᕆᓯᒪᓕᕐᒥᔪᑦ ᐋᖅᑭᒃᓱᐃᒋᐊᓪᓚᒍᑕᐅᖏᓐᓇᕐᓂᐊᕐᑐᓂᒃ ᐃᖃᓗᓕᕆᓂᒃᑯᑦ. ᐊᕐᕌᒎᑉ ᐃᓗᐊᓂ ᐃᖃᓪᓕᐊᕐᓂᐊᕐᓂᕐᒧᑦ ᐸᕐᓇᐃᕙᑦᑐᑦ ᐊᑦᑕᓇᕐᓂᖏᓐᓂ ᐃᒃᐱᒋᓪᓗᒋᑦ ᐊᒻᒪ ᐊᑐᕐᓱᑎᒃ ᐅᓂᐊᕈᑎᓂᒃ ᐅᒥᐊᕐᓂᒃ ᕿᒥᕐᕈᓂᕐᑯᑦ ᖃᕆᑕᐅᔭᑎᒍᑦ ᐊᑐᕐᓂᐊᕐᑎᓪᓗᒋᑦ ᑲᒪᑦᓯᐊᕆᐊᓪᓚᓐᓂᕐᒧᑦ ᐊᑲᐅᖏᓈᕐᑐᒃᑯᑦ ᐊᕙᑎ ᐊᑦᑐᕐᑕᐅᖁᓇᒍ. ᐃᑲᔪᕐᓯᔪᒻᒪᕆᐅᔪᒍᑦ ᓇᓗᓇᐃᒃᑯᑕᖃᕐᓂᒃᑯᑦ ᑭᖑᑦᑕᕐᓂᕐᒥᒃ ᐊᒻᒪ ᖃᓕᕋᓕᑦᑕᕐᓂᕐᒥᒃ ᐱᓕᕆᖃᑎᒌᑦᓯᐊᕐᓂᒃᑯᑦ ᐃᒪᕐᒥᐅᑕᓕᕆᓂᕐᒥᒃ ᑲᑎᒪᔨᑎᒍᑦ, (MSC).

ᐅᖃᓕᒫᒃᑲᓐᓂᕈᓐᓇᕐᐳᑎᑦ ᑕᒪᒃᑯᐊ ᒥᒃᓵᓄᑦ

ᒥᐊᓂᕐᓯᓂᖅ ᐱᐅᓂᕐᐸᐅᒋᐊᖃᓂᖏᓐᓂᒃ

ᐋᖅᑭᐅᒪᑎᑦᓯᓂᖅ ᐊᒻᒪ ᐊᐅᓚᑦᓯᓂᖅ ᐃᒪᕐᔪᐊᒥᑦ ᐱᒡᒍᑎᓂᒃᑯᑦ ᓂᐅᕕᕋᕐᑎᓂᒃ

ᕿᑭᕐᑖᓗᖏᒻᒥ ᐃᖃᓗᓕᕆᔨᒃᑯᑦ ᐊᑲᐅᓈᕐᓂᕐᐸᐅᒋᐊᕐᑐᓂᒃ ᒥᐊᓂᕐᓯᒍᓯᖃᕐᐸᑦᑐᑦ ᐊᐅᓚᑦᓯᓂᓕᒫᒥᑎᒍᑦ. ᐊᐅᓚᑦᓯᓂᖃᕐᐸᑦᑐᒍᑦ ᐊᑐᕐᓱᑕ ᐊᑲᐅᓂᕐᐹᓂᒃ ᐱᓕᕆᔾᔪᓯᓂᒃ ᒥᐊᓂᕐᓯᓂᕐᒧᑦ ᐊᒻᒪ ᖃᐅᔨᓴᕐᐸᓐᓂᒃᑯᑦ ᐱᓕᕆᒍᓯᐅᔪᓂᒃ ᐃᖃᓗᓕᕆᓂᖃᑦᓯᐊᖁᓪᓗᒋᑦ ᐊᒻᒪ ᐴᕐᑐᐃᑦᓯᐊᕐᓂᒃᑯᑦ ᐊᑲᐅᓈᕐᓂᕐᐸᐅᔪᒃᑯᑦ, ᐊᒻᒪ ᐃᖃᓗᑦᑕᕗᑦ ᑲᒪᒋᔭᐅᑦᓯᐊᕐᓯᖁᓪᓗᒋᑦ ᖃᐅᔨᓴᕐᑕᐅᓂᖏᑎᒍᑦ ᑕᕆᐅᕐᒥᑦ ᓂᕆᕕᓄᑦ.

ᐃᖃᓗᓕᕆᕙᑦᑐᒍᑦ ᐃᒪᕐᒥ ᐅᒥᐊᕐᔪᐊᓂ ᐅᑯᓇᓂ, ᐋᕐᓗᒃ II- Reg # 0066, ᐃᓄᒃᓱᒃ I- reg # 0049 ᐊᒻᒪ ᓕᕗᓪᓕᖅ - Reg # 6002, ᐃᖃᓗᑦᑕᐅᕙᑦᑐᓂᒃ ᐃᒃᑮᓇᕐᑐᐊᓗᒻᒥ ᐅᑭᐅᕐᑕᕐᑑᖏᓐᓂ ᑲᓇᑕᐅᑉ ᑲᓇᓐᓇᖓᓂᓗ. ᐊᑐᓂᑦ ᐊᒥᐊᕐᔪᐊᑦ ᐊᑐᓂᑦ ᐊᑐᕐᐸᑦᑐᑦ ᒪᓕᒐᕐᓂᒃ ᐊᑦᑕᓇᕐᑕᐃᓕᓂᕐᒧᑦ ᖃᐅᔨᓴᕐᓂᒃᑯᑦ ᐊᒻᒪ ᐊᑐᕐᓂᒃᑯ ᐅᑯᓂᖓ Critical Control Points (HACCP), ᒥᐊᓂᕐᓯᓂᕐᒧᑦ ᐸᕐᓇᐃᓂᒃᑯᑦ, ᐊᐅᓚᑕᐅᔪᓄᑦ ᑲᓇᑕᐅᑉ ᒪᓕᒐᖏᑎᒍᑦ; ᐃᖃᓗᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᐱᖁᔭᕐᔪᐊᒥᒃ ᐊᒻᒪ ᓂᕿᓂᒃ ᐊᑦᑕᓇᕐᑕᐃᓕᑎᑦᓯᓂᕐᒧᑦ ᐱᖁᔭᕐᒥᒃ ᐊᑐᕐᑕᐅᕙᑦᑐᓂᒃ ᑲᓴᑕᒥ ᓂᕿᓂᒃ ᖃᐅᔨᓴᕐᑎᓄᑦ, (CFIA), ᑲᓇᑕᒥ ᖃᐅᔨᓴᕐᑎᐅᓂᕐᒧᑦ ᐊᒻᒪ ᒪᓕᒐᕐᓂᒃ ᐊᑐᓕᕐᑎᑕᐅᑎᑦᓯᓂᕐᒧᑦ ᑎᒥᐅᔪᖅ.

ᐅᖃᓕᒫᒃᑲᓐᓂᕈᓐᓇᕐᐳᑎᑦ ᑕᒪᒃᑯᐊ ᒥᒃᓵᓄᑦ