ᑭᒃᑰᓂᕗᑦ

ᓂᕿᑕᖅ ᐃᖃᓗᓕᕆᔨᒃᑯᑦ ᐋᖅᑭᒃᑕᐅᓯᒪᓂᖓ

ᐱᒋᐊᓕᓵᕐᑎᓪᓗᒋᑦ, ᐃᖃᓗᓕᕆᓂᖅ ᐊᐅᒪᑕᐅᓂᖃᒪᐅᕐᓯᒪᔪᖅ ᒥᐊᓂᕆᔭᐅᓪᓗᓂ ᖃᓪᓗᓈᑦ ᓄᓇᖓᓂ ᐃᖅᑲᓇᐃᔭᖃᑕᐅᔪᓄᑦ. 2003,ᒥ, ᕿᑭᖅᑳᓗᒻᒥ ᐃᖃᓗᓕᕆᔨᒃᑯᑦ ᐊᓯᔾᔨᕐᑐᐃᕙᓪᓕᐊᓕᓚᐅᕐᓯᒪᔪᑦ ᓇᒻᒥᓂᖅ ᑮᓇᐅᔭᓕᐅᕈᑎᖃᕈᒪᓪᓗᑎᒃ ᐋᖅᑭᒃᓯᓂᒃᑯᑦ ᓂᕿᑕᖅ ᐃᖃᓗᓕᕆᔨᖏᓐᓂᒃ (ᓂᐅᕙᐅᓐᓛᓐ), ᐊᑕᖏᕐᓗᒍ ᓇᒻᒥᓂᕆᔭᐅᑎᓪᓗᒍ ᐊᐅᓚᑕᐅᓂᖃᕐᓱᓂ ᐊᒻᒪ ᑮᓇᐅᔭᓕᐅᕈᑕᐅᕙᓪᓕᐊᓕᕐᓱᑎᒃ ᐃᖃᓗᓕᕆᓂᖅ ᐅᒥᐊᕐᔪᐊᒃᑯᑦ.

ᓂᕿᑕᖅ ᓴᖅᑭᑎᑦᓯᓯᒪᔪᑦ ᓱᓕ ᒪᕐᕉᓐᓂᒃ ᓄᑖᓐᓂᒃ ᑲᒻᒪᓂᓂᒃ

2005,ᒥ, ᐊᑐᕐᓱᑎᒃ ᓂᕿᑕᒃᑯᑦ ᐃᖃᓗᓕᕆᔨᖏᓐᓂᒃ, ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᐅᓄᕐᓯᒋᐊᕈᔾᔭᐅᓚᐅᕐᑐᑦ 51%,ᒧᑦ ᕿᑐᕐᖏᐅᕈᑎᓂᒃ ᒪᕐᕉᓐᓂ ᐃᖃᓗᓕᕆᓂᕐᒧᑦ ᖁᐊᒃᑯᕕᖃᓂᕐᒧᑦ ᐅᒥᐊᕐᔪᐊᓂ, ᐊᔾᔨᒌᖏᑦᑐᓂᓪᓗ ᐅᓂᐊᕈᓐᓇᕐᓱᑎᒃ, ᐃᓄᒃᑯᑦ 1, Inuksuk I, ᐊᒻᒪ ᐋᖅᑭᒃᓱᕆᐊᕐᓯᒪᔪᑦ ᐊᐅᓚᐅᑎᖏᑦ ᐅᒥᐊᕐᔪᐊᑉ ᓯᕗᒧᑦ.

ᓂᕿᑕᖅ ᐃᖃᓗᓕᕆᔨᒃᑯᑦ ᓂᐅᕕᕐᓂᐊ ᐅᒥᐊᕐᒧᐊᒥ ᐃᖃᓪᓕᐊᕈᑎᒃᓴᒥᒃ

ᓂᕿᑕᖅ ᐃᖃᓗᓕᕆᔨᒃᑯᑦ ᓂᐅᕕᓚᐅᕐᑐᑦ ᐊᑯᓂᓂᑕᐅᓂᕐᓴᒥᒃ ᐅᒥᐊᕐᒧᐊᒥ ᐃᖃᓪᓕᐊᕈᑎᒥᒃ, Vinlander, ᐊᒻᒪ ᓴᓇᔭᐅᒃᑲᓐᓂᕆᐊᓕᒃ ᓄᑕᐅᓕᕐᑎᒋᐊᕐᓗᒍ ᖁᐊᒃᑯᕕᖃᓗᒍᓗ ᖃᐅᔨᒪᔭᐅᓂᖃᕐᑐᖅ ᐋᕐᓗᒃ II.

ᐊᑕᖏᕐᓱᒍ ᓇᒻᒥᓂᖃᓂᖅ ᑲᔪᓯᑎᑕᐅᓯᒪᔪᖅ ᓄᓇᕗᒻᒥ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᓄᑦ

2011,ᒥ, ᑕᓪᓕᒪᑦ (5) ᐊᖑᓴᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᕿᑭᕐᑖᓗᒻᒥ ᓴᒻᒥᓂᕐᑖᓚᐅᕐᑐᑦ ᐊᑕᖏᕐᓱᒍ ᕿᑭᕐᑕᓗᒻᒥ ᐃᖃᓗᓕᕆᔨᒃᑯᓐᓂᒃ. ᐋᖅᑭᒃᓱᐃᓗᑎᒃ ᐱᕙᓪᓕᐊᑎᑦᓯᓂᕐᒥᒃ ᐊᒻᒪ ᐃᑲᔪᕐᑕᐅᔾᔪᑎᒃᓴᑦ ᐅᓄᕐᓯᕐᑎᒋᐊᕐᓗᑎᒋᑦ, ᐋᕐᓗᒃ 11 ᐃᖃᓗᓕᕆᔨᒃᑯᑦ ᐋᖅᑭᒃᑕᐅᓚᐅᕐᓯᒪᒻᒪᑕ ᓇᒻᒥᓂᕆᔭᐅᓂᐊᕐᓗᑎᒃ ᐃᓚᐅᒍᑎᓕᓐᓄᑦ ᐊᒻᒪ ᑲᒪᔪᒃᓴᐅᑎᑕᐅᓪᓗᑎᒃ ᓂᐅᕕᕆᐊᖅ ᐊᒻᒪ ᐋᖅᑭᒃᓱᐃᒋᐊᕆᐊᖅ ᖁᐊᒃᑯᕕᒻᒥᒃ ᐅᒥᐊᕐᔪᐊᒥ ᐋᕐᓗᒃ 11,ᒥ.

ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᓂᐅᕕᕐᓯᒪᔪᑦ ᐊᒥᐊᒃᑯᓂᒃ ᐃᖃᓗᑦᑕᐅᔪᓐᓇᕐᑐᑦ ᐅᓄᕐᓂᖏᓐᓂᒃ

2012,ᒥ, ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᓂᐅᕕᓚᐅᕐᑐᑦ ᐅᓄᖏᓐᓂᕐᓴᓂᒃ ᐃᓚᖏᓐᓂᒃ ᐃᒪᕐᐱᒻᒥ ᐃᖃᓗᓕᕆᔨᒃᑯᓐᓂᑦ, ᐊᓯᔾᔨᕐᐸᓪᓕᐊᓂᖃᕐᓱᑎᒃ ᐃᓚᐃᓐᓇᖓᓂᒃ ᓇᒻᒥᓂᖃᕐᓂᕐᒥᑦ ᐊᑕᖏᕐᓗᒍ ᓇᒻᒥᓂᖃᕐᓂᕐᒧᑦ ᑐᕌᒐᖃᕐᑐᑦ. ᑕᐃᒪᖓᓂᖅ 2012,ᒥ, ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᐊᕐᓱᕈᕈᑎᖃᕐᓯᒪᔪᑦ ᐊᖏᓪᓕᒋᐊᕐᑎᑦᓯᓇᓱᑦᓱᑎᒃ ᐃᖃᓪᓕᐊᕐᓂᒃᑯᑦ ᑮᓇᐅᔭᓕᐅᕐᓂᕐᒥᒃ ᓄᓇᕗᒻᒥ. ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᐃᓕᑕᕐᓯᓯᒪᕗᑦ ᐊᐅᓚᑦᓯᑦᓯᐊᕐᓂᒃᑯᑦ, ᐸᕐᓇᒍᑎᖃᑦᓯᐊᕐᓂᒃᑯᓪᓗ ᐱᕈᖅᐸᓪᓕᐊᒍᓐᓇᕋᒥᒃ, ᐱᓇᓱᐊᕐᕕᖃᑦᓯᐊᕐᓂᒃᑯᓪᓗ, ᐊᒻᒪ ᐊᖏᓪᓕᕙᓪᓕᐊᖏᓐᓇᕐᓂᕐᒥᒃ, ᑲᔪᓯᑦᓯᐊᕐᓂᕐᐸᐅᒍᓐᓇᕐᑐᑦ ᑮᓇᐅᔭᓕᐅᕐᓗᑎᒃ, ᐱᕕᒃᓴᖃᕐᑎᑦᓯᓗᓪᓗ ᐃᑲᔪᒃᑲᑲᓐᓂᕈᑎᒃᓴᓂᒃ ᑲᑐᔾᔨᖃᑎᒌᓄᑦ ᐃᒪᐅᓪᓗᑎᒃ ᐊᒻᒪ ᓄᓇᕗᒻᒥᐅᓄᑦ.

ᕿᑭᕐᑖᓗᖕᒥ ᐃᖃᓗᓕᕆᔩᑦ ᓇᒻᒥᓂᖃᕈᓐᓇᕐᓯᓯᒪᔪᑦ 100%,ᒧᑦ

ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᑐᕌᒐᕆᓯᒪᔭᒥᓂᒃ ᑲᔪᓯᑎᑦᓯᓯᒪᔪᑦ 100%,ᒧᑦ ᓇᒻᒥᓂᖃᕆᐊᖅ ᐅᒥᐊᕐᔪᐊᒥᒃ ᐊᒻᒪ ᐃᓄᓐᓄᑦ ᐊᐅᓚᑕᐅᓯᒪᓕᕐᑐᓂᒃ ᑕᐃᒪᖓᓂᑦ 2015,ᒥᑦ ᐊᒻᒪ ᐊᑐᓕᕐᑎᑦᓯᕙᓪᓕᐊᓯᒪᔪᑦ ᐸᕐᓇᒃᑕᒥᓂᒃ ᓄᓇᕗᒻᒥᐅᑦ ᐃᑲᔪᕐᓯᔭᐅᒋᐊᓪᓚᖁᓪᓗᒋᑦ ᐃᓄᐃᑦ ᐅᒥᐊᕐᔪᐊᒃᑯᑦ ᐃᖅᑲᓇᐃᔭᕐᐸᑦᑐᑦ ᐊᒻᒪ ᒥᐊᓂᕐᓯᓂᒃᑯᑦ ᐊᐅᓚᑦᓯᓂᒃᑯᓪᓗ ᐃᖅᑲᓇᐃᔮᓂᒃ; ᐅᖁᒪᐃᓐᓂᕐᓴᓂᓪᓗ ᐃᖃᓪᓕᐊᕈᓐᓇᕐᓯᓂᕐᒧᑦ; ᐃᑲᔪᕐᓯᓂᒃᑯᑦ ᑮᓇᐅᔭᓕᐅᕈᑎᓕᐅᕐᓂᕐᒧᑦ ᓄᓇᕗᒻᒥ ᓄᓇᓕᓐᓂ; ᐊᒻᒪᓗ ᑲᒻᒪᓂᒃᑯᑦ ᐊᐅᓚᑦᓯᒍᓐᓇᖁᓪᓗᒋᑦ ᐅᒥᐊᕐᔪᐊᑉ ᒥᐊᓂᕆᔭᐅᓂᐊᓂᒃ, ᓂᐅᕕᐊᒃᓴᓕᐅᕐᓂᕐᒥᒃ ᐊᒻᒪ ᐱᔪᒥᓇᕐᓯᑎᑦᓯᓂᕐᒧᓪᓗ, ᐊᒻᒪ ᐃᓕᓴᐃᓂᕐᒧᑦ ᐃᑲᔪᕐᓯᓂᒃᑯᑦ.

ᐊᑲᐅᑎᓯᒋᐊᕐᑎᑦᓯᓂᖅ ᐃᓄᐃᑦ ᐃᓚᐅᓂᕐᓴᐅᒋᐊᖃᓂᖏᓐᓂᒃ I

2016,ᒥ, ᑲᒻᐸᓂ ᐃᒃᐱᒋᔭᖃᓗᐊᓚᐅᕐᑐᖅ ᐃᓄᐃᑦ ᐃᓚᐅᑎᑕᐅᓂᕐᓴᐅᒋᐊᖃᓂᖏᓐᓂᒃ, ᐊᐅᓚᑦᓯᓂᒃᑯᑦ ᐊᒻᒪ ᒥᐊᓂᕐᓯᓂᒃᑯᑦ ᑲᒻᐸᓂᒥᒃ, ᐊᒻᒪ ᑮᓇᐅᔭᓕᐅᖁᓪᓗᒋᑦ ᐊᖏᓂᕐᓴᓂᒃ ᐃᑲᔪᕈᑕᐅᓂᐊᕐᑐᓂᒃ ᓄᓇᕗᒻᒧᑦ. ᑲᒻᐸᓂᐅᒧᖅ ᒪᕐᕈᐃᕐᓱᕐᓱᒋᑦ ᐅᓄᕐᓯᒋᐊᕐᑎᑦᓯᓚᐅᕐᑐᑦ ᐃᓄᓂᒃ ᐊᐅᓚᑦᓯᔨᐅᓂᕐᒧᑦ ᑕᓪᓕᒪᓂᑦ ᖁᓕᓐᓄᑦ ᐊᒻᒪ ᐃᖅᑲᓇᐃᔭᕐᑎᑖᕐᐸᓪᓕᐊᓕᕐᓱᑎᒃ ᐃᓄᓐᓂᒃ ᐅᒥᐊᕐᔪᐊᒥ ᑐᕌᒐᖃᕐᓱᑎᓪᓗ ᐅᓄᕐᓯᑎᑦᓯᒋᐊᕐᓂᕐᒧᑦ ᐃᓄᓐᓂᒃ ᐃᖅᑲᓇᐃᔭᕐᑎᐅᒐᔭᕐᑐᓂᒃ ᐅᒥᐊᕐᔪᐊᒥ. ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᐱᓂᐊᕐᓂᖃᕐᑐᑦ ᐃᑲᔪᕐᓯᒋᐊᖅ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᑐᕌᕐᑕᖏᑎᒍᑦ ᑮᓇᐅᔭᓕᐅᕈᓐᓇᕐᓯᓂᕐᒧᑦ ᐃᒻᒥᒃᑯᑦ.

ᑲᑎᒪᔩᑦ ᐊᖏᕈᑎᖃᓂᖏᑦ ᐸᕐᓇᒃᑲᐅᓯᒪᔪᓂᒃ ᓂᐅᕕᕐᓂᕐᒧᑦ ᐅᒥᐊᕐᔪᐊᒥ ᓄᑖᒥᒃ

2018 ᐊᑐᕐᑐᑐᖃᐅᑎᓪᓗᒍ ᑲᑎᒪᔩᑦ ᐋᖅᑭᒃᓱᐃᒋᐊᓚᐅᕐᑐᑦ ᑲᑎᒪᔨᑦ ᐊᐅᓚᑦᓯᓂᖏᓐᓄᑦ ᐊᒻᒪ ᑲᑎᒪᔨᕈᓰᑦ ᐃᒪᐅᖃᑦᑕᕆᐊᖃᖃᓂᖏᓐᓄᑦ ᐊᒻᒪ ᐊᐅᒪᑕᐅᓂᖏᓐᓄᑦ ᐱᔾᔪᑎᖃᑐᓂᒃ. ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᐃᖅᑲᓇᐃᔭᕐᑎᑖᓚᐅᕐᑐᑦ ᓄᑖᒥᒃ ᐱᔅᓇᓯᓂᒃ ᒥᐊᓂᕐᓯᔨᒃᓴᒥᒃ ᐃᖃᓗᓐᓂ ᐊᒻᒪ ᐱᐊᓂᑦᓱᑎᒃ ᐊᓪᓚᕕᐅᑉ ᐋᖅᑭᒃᓱᕆᐊᕐᑕᐅᓂᐊᓂᒃ ᕿᑭᕐᑖᓗᒻᒥ ᐃᖃᓗᓕᕆᔨᑯᓐᓄᑦ, ᐃᖃᓗᓐᓂᑦᑐᒧᑦ ᐊᒻᒪ ᐊᑐᕐᑐᐊᕐᓯᒪᓪᓗᑎᒃ ᐊᒪᕈᒃᑯᑦ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓂᑦ. 2019,ᒥ, ᑲᑎᒪᔩᑦ ᐊᖏᕈᑎᖃᓚᐅᕐᑐᑦ ᐸᕐᓇᒃᑕᒥᓂᒃ ᓂᐅᕕᕈᒪᓂᕐᒧᑦ ᓄᑖᒥᒃ ᐅᒥᐊᕐᔪᐊᒥᒃ ᑭᖑᕝᕕᐅᑎᓂᐊᕐᑎᓪᓗᒍ ᐊᑯᓂᓂᑕᐅᓗᐊᓕᕐᑐᒧᑦ ᐅᒥᐊᕐᔪᐊᒧᑦ. 

ᐊᑎᓕᐅᖅᓯᒪᔪᖅ ᐊᖏᕈᑎ ᓄᑖᒧᑦ 80 ᒦᑕᓄᑦ ᐅᒥᐊᕐᔪᐊᒧᑦ

ᑲᑎᒪᔩᑦ ᕿᑭᖅᑖᓗᖕᒥ ᐃᖃᓗᓕᕆᔨᒃᑯᑦ ᑐᓴᖅᑎᑦᑎᓚᐅᖅᐳᑦ ᑲᒻᐸᓂᒃᑯᑦ ᑮᓇᐅᔭᖅᑖᕐᓂᐊᕐᓂᖏᓐᓂᒃ ᐊᑎᓕᐅᖅᖢᑎᒡᓗ ᐅᒥᐊᕐᔪᐊᑉ ᓯᓚᑖᓂ ᑳᓐᑐᓛᒃᑕᐅᔪᒃᓴᒥᒃ ᓴᓇᔭᐅᓂᐊᖅᑐᒧᑦ ᓴᓗᒪᔪᒥᒃ−ᐋᖅᑭᒃᓯᒪᔪᒥᒃ, ᑭᓱᓕᕆᕝᕕᒃᓴᒥᒃ, 80 ᒦᑕᓂᒃ ᑕᑭᓂᓕᖕᒥᒃ, 2024−ᒥ ᐱᓕᕆᐊᖑᓛᖅᖢᓂ. ᓄᑖᖅ ᐅᒥᐊᕐᔪᐊᖅ ᓴᓇᔭᐅᓯᒪᔪᖅ Skipsteknisknisk A/S−ᑯᓐᓄᑦ ᓄᐊᕙᐃᒥ ᓴᓇᔭᐅᓂᐊᖅᖢᓂᓗ Tersan Shipy−ᒧᑦ ᑐᕐᑭᐅᑉ ᓯᓚᑎᑦᑎᐊᖓᓂ, ᓄᓇᕐᔪᐊᕐᒥ ᓯᕗᓕᖅᑎᐅᔪᑦ ᔅᑖᓐ ᒃᕉᑉ−ᒥ ᑕᐅᑦᑐᒃᓴᖓᓂ ᐊᒻᒪ ᓴᓇᔭᐅᓂᖓᓂ. ᐅᒥᐊᕐᔪᐊᖅ ᓂᕆᐅᒋᔭᐅᕗᖅ ᐊᖏᓛᖑᓗᓂ ᑲᓇᑕᒥ−ᓇᖕᒥᓂᕆᔭᐅᔪᖅ ᐃᖃᓗᒐᓱᒃᑎᑦ ᐅᒥᐊᕐᔪᐊᖓ ᓯᒡᔭᒥᑦ ᓯᒡᔭᒧᑦ ᓯᒡᔭᒧᑦ, 1,320 ᑕᓐᓯᓂᒃ ᖁᐊᖑᓗᓂ ᑲᓛᖦᖡᑦ ᓄᓈᓐᓂ ᖃᓕᕋᓖᑦ (ᖃᓕᕋᓖᑦ) ᐅᕝᕙᓘᓐᓃᑦ 930 ᑕᓐᓯᓂᒃ ᓂᒡᓚᓱᒃᑐᒥᑦ ᑭᖑᒃᐸᖕᓂᑦ. "ᑕᒪᓐᓇ ᐱᐅᔪᒻᒪᕆᖕᒥᒃ ᐊᓂᒍᖅᑎᑕᐅᕗᖅ 100%−ᒥᒃ ᐃᓄᖕᓄᑦ−ᓇᖕᒥᓂᕆᔭᐅᔪᒧᑦ ᑲᒻᐸᓂᒋᔭᐅᔪᒧᑦ 20−ᓂᒃ ᐊᕐᕌᒍᖃᑐᐃᓐᓇᖅᖢᓂ," ᑕᐃᒪᓐᓇ ᕿᑭᖅᑖᓗᖕᒥ ᐃᖃᓗᓕᕆᓂᕐᒧᑦ ᐃᒃᓯᕙᐅᑕᖅ ᑕᐃᕕᑦ ᐊᓕᒃᓵᓐᑐ ᐃᖃᓗᖕᓂ ᐅᖃᖅᖢᓂ. "ᓄᑖᖅ ᐅᒥᐊᕐᔪᐊᖅ ᐱᕕᖃᖅᑎᑦᓯᓂᐊᖅᑐᖅ ᐅᕙᑦᑎᓐᓂᑦ ᐅᓄᖅᓯᑎᑦᓯᑦᓴᐅᑎᒋᓂᕐᒥᑦ ᐃᑲᔫᑎᓂᑦ ᓄᓇᕗᒻᒥ ᓄᓇᓕᓐᓄᑦ ᐱᐅᓯᕚᓪᓕᑎᑦᓯᓂᕐᒥᓪᓗ ᐃᖅᑲᓇᐃᔮᓂᑦ ᐱᕕᖃᕐᓂᐅᔪᓂᑦ ᐃᖅᑲᓇᐃᔭᕐᓂᕐᒧᓪᓗ ᖃᓄᐃᓕᖓᓂᐅᔪᓂᑦ ᐃᓄᓐᓄᑦ ᐃᖃᓗᒐᓱᑦᑎᓄᑦ."

ᕿᑭᖅᑖᓗᖕᒥ ᑕᕆᐅᕐᒥᐅᑕᓂᒃ ᓂᕿᓂᒃ ᓴᖅᑭᑎᑦᑎᔪᑦ - ᓄᑖᑦ ᑕᕆᐅᕐᒥᐅᑕᓂᒃ ᓂᕿᓂᒃ ᓂᐅᕐᕈᑎᖃᖅᐸᒃᑐᑦ ᑲᒻᐸᓂ

ᕿᑭᖅᑖᓗᖕᒥ ᐃᖃᓗᓕᕆᔨᒃᑯᑦ ᒪᒃᐱᖅᓯᓲᖑᕗᑦ ᓂᐅᕐᕈᑎᖃᖅᐸᒃᑐᓂᒃ ᑲᒻᐸᓂᐅᔪᒥᒃ ᕿᑭᖅᑖᓗᖕᒥ ᑕᕆᐅᕐᒥᐅᑕᓂᒃ ᓂᕿᓂᒃ ᓂᐅᕐᕈᑎᖃᖅᐸᓪᓕᐊᖁᓪᓗᒋᑦ ᓂᐅᕐᕈᑎᖃᖅᐸᓪᓕᐊᓗᑎᒡᓗ ᑕᒪᐃᓐᓂᒃ ᐃᒪᕐᒥᐅᑕᓂᒃ ᓂᕿᓂᒃ.  ᕿᑭᖅᑖᓗᖕᒥ ᑕᕆᐅᕐᒥᐅᑕᑦ ᓂᖀᑦ ᓂᐅᕐᕈᑕᐅᖃᑦᑕᕐᓂᐊᖅᑐᑦ ᐊᓯᖏᓐᓂᒃ ᐃᖃᓗᖕᓂᒃ ᐊᖑᓇᓱᒃᑎᓂᒃ ᑲᓇᑕᒥ ᐊᒻᒪ ᑕᕆᐅᑉ ᐊᑭᐊᓂ.

ᕿᑭᖅᑖᓗᖕᒥ ᐃᖃᓗᓕᕆᔨᒃᑯᑦ ᓄᑖᒥᒃ ᐅᒥᐊᕐᔪᐊᖅᑖᖅᑐᑦ − ᐃᓄᒃᓱᒃ II

ᕿᑭᖅᑖᓗᖕᒥ ᐃᖃᓗᓕᕆᔨᒃᑯᑦ ᑐᓴᖅᑎᑦᑎᓚᐅᖅᐳᑦ 80 ᒦᑕᓂᒃ ᐃᖃᓗᒐᓲᑎᒥᒃ, ᐃᓄᒃᓱᒃ II-ᒥ, Tersan ᐅᒥᐊᕐᔪᐊᑉ ᓯᓚᑖᓂᙶᖅᑐᑦ Turkey-ᒥ. ᒫᓐᓇ ᐊᑐᖅᑕᐅᔪᖅ ᐅᒥᐊᖅ ᐊᖏᓂᖅᐹᖑᓪᓗᓂ ᑲᓇᑕᒥ ᐃᖃᓗᒐᓱᒃᑎᓄᑦ ᐅᒥᐊᕆᔭᐅᓕᖅᐳᖅ, ᐊᐅᓚᓯᒋᐊᓛᓕᖅᖢᓂᓗ ᐅᑭᐅᖅᑕᖅᑑᑉ ᑲᓇᖕᓇᖓᓂ, ᑭᖑᒃᐸᒐᓱᖕᓂᖅ ᐊᒻᒪ ᑲᓛᖦᖡᑦ ᓄᓈᓐᓂ ᓇᑖᕐᓇᐃᑦ ᐃᓄᖕᓄᑦ ᓇᖕᒥᓂᕆᔭᖏᓐᓄᑦ. "ᐊᓕᐊᓇᐃᒍᓱᒃᐳᒍᑦ ᑕᒪᑐᒥᖓ ᐊᖏᔪᒥᒃ ᑮᓇᐅᔭᓕᐅᕈᑎᖃᕈᓐᓇᓚᐅᕋᑦᑕ ᐃᓄᖏᓐᓄᑦ ᓄᓇᓕᑦᑕ ᕿᑭᖅᑖᓗᖕᒥ ᓄᓇᕗᒻᒥ ᖁᔭᓕᓪᓗᑕᓗ ᑕᒪᐃᓐᓂᒃ ᐅᔾᔨᕈᓱᖕᓂᐅᔪᓂᒃ ᐊᒻᒪ ᐱᓇᔪᒃᑕᐅᓯᒪᔪᓂᒃ ᐃᓄᒃᓱᒃ II−ᒥ ᐃᓚᐅᔪᓕᒫᓄᑦ," ᐅᖃᓚᐅᖅᐳᖅ ᕿᑭᖅᑖᓗᖕᒥ ᐃᖃᓗᓕᕆᓂᕐᒧᑦ ᐃᒃᓯᕙᐅᑕᖅ ᑭᐊᓕ ᕿᓚᕝᕙᖅ, ᑐᕐᑭᒦᓚᐅᖅᑐᖅ ᐋᔩᖃᑎᒌᒃᑎᓪᓗᒋᑦ ᐊᒻᒪ ᐸᕐᓇᐃᓪᓗᑎᒃ ᐅᒥᐊᕐᔪᐊᑉ ᐃᖏᕐᕋᓂᕆᓚᐅᖅᑕᖓᓂ ᑲᓇᑕᒧᑦ ᐃᖃᓗᒐᓱᖕᓂᕐᒧᑦ ᐃᖅᑲᖅᑐᖅᑕᐅᔪᓄᑦ ᐊᒻᒪ ᐊᑦᑎᖅᓱᐃᓂᕐᒧᑦ ᖁᕕᐊᓲᑎᖃᖅᑎᓪᓗᒋᑦ ᔭᓄᐊᕆ 2025-ᒥ. "ᑖᓐᓇ ᐱᐅᔪᐊᓗᒃ ᐅᒥᐊᖅ ᐱᔨᑦᑎᑦᑎᐊᕐᓂᐊᖅᑐᖅ ᐊᕐᕌᒍᒐᓴᖕᓄᑦ ᐊᒡᒋᖅᑐᓄᑦ, ᖁᕕᐊᓇᕐᓂᐊᖅᖢᓂᓗ, ᖁᕕᐊᓇᑦᑎᐊᕐᓗᓂ ᐃᖅᑲᓇᐃᔭᕐᕕᑦᑎᐊᕙᐅᓗᓂ."