ᐸᓐᓂᕐᑑᖅ

ᐸᓐᓂᕐᑑᖅ, ᑕᓪᓗᕈᑎᐅᑉ ᐃᒪᓃᑦᑐᖅ ᐊᖏᓂᓕᒻᒥ 66.1466° N, 65.7012° W ᐃᓄᒋᐊᓐᓂᖃᕐᓱᓂ ᓴᓂᐊᓂ 1,500 ᐃᓄᓪᓚᑦᑖᓂᒃ.

1838,ᒥ, ᔅᑲᑦᑎᐅᓪᓗᓂ ᐊᕐᕕᓂᐊᕐᑎ ᐊᑎᓕ ᕗᐃᓕᐊᒻ ᐱᐊᓂ ᐊᒻᒪ ᐱᓕᕆᖃᑎᒋᔭᖓ ᐃᓄᓗᐊᐱᒃ ᓇᓂᓯᓚᐅᕐᓂᕐᒪᑎᒃ ᐃᑎᕐᕕᒃᓴᒥᒃ ᐸᓐᓂᕐᑑᑉ ᐃᑭᕐᕋᖓᓂ ᑕᒪᓐᓇ ᔅᑳᑦᑎᔅᒥᐅᓄᑦ ᐊᒻᒪ ᐊᒥᐊᓕᒃᑲᒥᐅᓄᖅ ᐊᕐᕕᓂᐊᕐᕕᐅᒻᒪᕆᓕᓚᐅᕐᓯᒪᔪᖅ. .

ᐃᓄᐃᑦ ᐃᓅᒍᓯᖓ ᐊᓯᔾᔨᕐᐸᓪᓕᐊᓕᓚᐅᕐᓯᒪᔪᖅ ᑕᐃᑦᓱᒪᓂᑦᓴᐅᑎᒋᖅ. 1850,ᖑᓕᕐᑎᓪᓗᒍ, ᐊᒥᓱᑦ ᐃᓄᐃᑦ ᕿᒪᐃᓚᐅᕐᓯᒪᒻᒪᑕ ᓄᓇᑐᖃᒥᓂᒃ ᐃᖅᑲᓇᐃᔭᕆᐊᓕᕐᓱᑎᒃ ᐊᕐᕕᓐᓂᐊᕐᕕᓐᓂ ᓄᕗᕕᒻᒥᐊᒻᒪ ᕿᑭᕐᑕᓂ.

1921,ᒥ, ᓂᐅᕕᕐᑎᒃᑯᑦ ᓴᓇᓚᐅᕐᓯᒪᔪᑦ ᓂᐅᕕᕐᕕᒻᒥᒃ ᐸᓐᓂᕐᑑᒥ ᐊᒻᒪ ᐃᓄᓐᓄᑦ ᐅᐸᑦᑕᐅᒍᒪᕙᓪᓕᐊᓕᓚᐅᕐᓯᒪᒻᒪᑦ. ᒪᕐᕉᒃ ᐊᕐᕌᒎᒃ ᐊᓂᒍᕐᑎᓪᓗᒋᒃ, ᐸᓖᓯᒃᑯᑦ ᑲᓇᑕᒥ ᓴᓇᓕᓚᐅᕐᓯᒪᒻᒥᔪᑦ ᐸᓖᓯᖃᕐᕕᒃᓴᓂᒃ. 1929,ᒥ ᐋᓐᓂᐊᕕᒃ St. Luke’s ᓴᓇᔭᐅᓕᓚᐅᕐᓯᒪᒻᒥᔪᖅ.

ᐸᓐᓂᕐᑑᒥ ᐃᓄᒋᐊᓗᐊᓚᐅᕐᓯᒪᖏᑦᑐᖅ ᑭᓯᐊᓂ ᐱᒋᐊᓕᕐᑎᓪᓗᒋᑦ 1960,ᖑᔪᑦ ᐃᓄᒋᐊᒃᓯᕙᓪᓕᐊᓯᒪᔪᑦ. 1962,ᒥ, ᐊᒥᓱᑦ ᐃᓄᐃᑦ ᓯᓈᓄᑦ ᐸᓐᓂᕐᑑᒧᑦ ᓅᓐᓂᑯᐃᑦ ᕿᒻᒥᖏᑦ ᖃᓂᒪᓇᕐᑐᒧᑦ ᑐᖁᕋᓚᐅᕐᑎᓪᓗᒋᑦ. 

1973,ᒥ, ᐸᓐᓂᕐᑑᖅ ᐃᒻᒥᒃᑯᑦ ᒐᕙᒪᖃᓂᒃᑯᑦ ᐊᐅᓚᓕᓚᐅᕐᓯᒪᔪᑦ. ᐅᓪᓗᒥ, ᐸᓐᓂᕐᑑᖅ ᓄᓇᓕᐅᔪᖅ ᓯᓚᕐᔪᐊᓕᒫᒥ ᖃᐅᔨᒪᔭᐅᓂᖃᕐᓱᓂ ᓴᓇᐅᒐᕐᑎᐅᓂᖏᓐᓄᑦ, ᓄᕕᕐᓴᕐᑎᐅᓂᖏᓐᓄᑦ ᑎᑎᕋᐅᔭᕐᓄᑦ ᐊᒻᒪ ᑲᔾᔮᕐᓇᕐᓂᕐᐸᐅᖃᑕᐅᓪᓗᓂ ᓯᓚᕐᔪᐊᒥ ᐊᒻᒪ ᒥᕐᖑᐃᕐᓯᕕᖃᕐᓱᓂ ᐊᐅᔪᐃᑦᑐᒥᒃ ᑲᓇᑕᒥ.

ᐸᓐᓂᕐᑑᖅ ᐱᖓᔪᒋᔭᐅᕗᖅ ᓄᓇᕗᒻᒥ ᓄᓇᓕᓐᓂ ᐃᖃᓗᓕᕆᕕᖃᕐᓱᓂ ᐊᒻᒪ ᐃᖃᓗᑉᐱᓕᒻᒪᕆᐅᓪᓗᓂ ᐊᒻᒪ ᐊᑯᑎᑦᑐᒥᑦ ᖃᓕᕋᓕᓐᓂᑦ ᐃᖃᓪᓕᐊᕐᐸᑦᑐᑦ ᐃᖃᓗᓕᕆᔨᒃᑯᑎᒍᑦ. ᓲᕐᓗ, ᐸᓐᓂᕐᑑᖅ ᓯᕗᓪᓕᕐᐸᐅᑦᓯᐊᕐᓱᓂ ᓄᓇᓕᐅᔪᖅ ᓄᓇᕗᒻᒥ ᑮᓇᐅᔭᕐᑖᕐᓯᒪᔪᑦ ᓯᒡᔭᒥ ᑐᓚᑦᑕᕕᒻᒥ ᓂᐅᕕᕐᕕᓕᐅᕈᑎᒃᓴᓂᒃ.