ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᑲᓇᑕᒥ ᐊᖏᓂᕐᐹᒥ ᐃᖃᓕᐊᕈᑎᒃᓴᒥᒃ ᐅᒥᐊᕐᔪᐊᓕᐅᕐᓂᖓ
ᕿᑭᕐᑖᓗᖕᒥ ᐃᖃᓗᓕᕆᓂᕐᒧᑦ ᑲᑎᒪᔨᖏᑦ ᖁᔭᓕᕗᑦ ᑐᓴᕐᑎᑦᓯᒋᐊᖅ ᑲᒻᒪᓂᕆᔭᖓ ᓇᓗᓇᐃᓯᓯᒪᓕᕐᒪᑦ ᑮᓇᐅᔭᓂᒃ ᐊᒻᒪ ᐊᑎᓕᐅᖃᑎᖃᕐᓯᒪᓕᕐᓱᑎᒃ ᐅᒥᐊᕐᔪᐊᓕᐅᕐᕕᒻᒥ ᑳᓐᑐᕌᕈᑎᒥᒃ ᓴᓇᒐᔭᕐᓂᕐᒧᑦ ᐊᕙᑎᒥᒃ ᓱᕈᐃᖏᑦᑐᒥᒃ, ᓴᓇᒪᑦᑎᐊᕐᓗᓂ ᐱᔾᔪᑕᐅᔪᓄᑦ, 80-ᒥᑐᕐ ᐊᖏᓂᓕᒻᒥᒃ ᑲᓕᖃᑦᑕᐅᑎᒥᒃ, ᐊᑐᐃᓐᓇᕈᕐᑕᐅᒐᔭᕐ 2024,ᒥ. ᑖᑦᓱᒪ ᐅᒥᐊᕐᔪᐊᑉ ᓴᓇᒪᓂᖓ ᐸᕐᓇᒃᑕᐅᓂᑯ Skipsteknisk A/S,ᑯᓐᓄᑦ ᓄᐊᕗᐃᒥ ᐊᒻᒪ ᓴᓇᔭᐅᒐᔭᕐᑐᑦ ᐅᒥᐊᕐᔪᐊᓕᐅᕐᑎᓄᑦ Tersan Shipyard,ᑯᓐᓄᑦ ᑐᕐᑭᒥ, ᓯᓚᕐᔪᐊᒥ ᐅᒥᐊᕐᔪᐊᓕᐅᕐᓯᑎᐅᓂᕐᐸᖑᖃᑕᐅᔪᓄᑦ ᑲᓕᖃᑦᑕᐅᑎᓕᒻᒥᒃ ᐊᒻᒪ ᓴᓇᒪᓂᖓᓂᒃ.
ᐅᒥᐊᕐᔪᐊᖅ ᓂᕆᐅᒋᔭᐅᔪᖅ ᐊᖏᓂᕐᐸᐅᓂᐊᕐᑐᒋᔭᐅᓪᓗᓂ ᑲᓇᑕᒥ-ᓇᒻᒥᓂᕆᔭᐅᓗᓂ ᐃᖃᓪᓕᐊᕈᑎᒃᓴᖅ ᑲᓇᑕᐅᑉ ᐃᒪᕐᐱᖏᓐᓂ, ᐅᓯᒍᓐᓇᕐᓂᖃᕐᓱᓂ ᐃᓱᐊᓄᑦ ᐅᖁᒪᐃᓐᓂᖃᕐᑐᓂᒃ 1,320 ᑕᓐᔅᓂᒃ ᖁᐊᕐᓂᒃ ᐅᓯᓗᑎᒃ ᐊᑯᑭᑦᑐᓂᑦ ᖃᓕᕋᓕᓐᓂᒃ ᐅᕝᕙᓘᓐᓃᑦ 930 ᑕᓐᔅᓂᒃ ᐃᒪᕐᐱᒻᒥ ᑭᖑᑦᑕᕈᓐᓇᕐᑐᖅ.
“ᑖᓐᓇ ᑲᔪᓯᑦᓯᐊᕐᑐᖅ ᐊᑕᖏᓗᒍ 100%,ᒥᒃ ᐃᓄᐃᑦ ᓇᒻᒥᓂᖓ ᐊᑯᓂᓂᑕᐅᓂᖃᕐᑐᖅ 20,ᑐᐃᓐᓇᕐᓂᒃ ᐊᕐᕌᒍᓂᒃ,” ᐅᖃᓚᐅᕐᑐᖅ ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᑲᑎᒪᑎᑦᓯᔨᖓ ᑕᐃᕙᑦ ᐊᓕᒃᓵᓐᑐᕐ ᐃᖃᓗᓐᓂᑦ. ᑖᓐᓇ ᓄᑖᖅ ᐅᒥᐊᕐᔪᐊᖅ ᐊᔪᕈᓐᓇᐃᕈᑎᒋᔭᐅᑲᐅᕐᑐᕐᓂᐊᕐᑐᖅ ᐅᓄᕐᓯᑎᑦᑎᒋᐊᕐᓂᕐᒧᑦ ᐱᕙᓪᓕᕈᑎᓂᒃ ᓄᓇᕗᒻᒥ ᓄᓇᓕᓐᓄᑦ ᐊᒻᒪ ᐃᖅᑲᓇᐃᔮᒃᓴᓄᑦ ᐅᓄᕐᓯᒋᐊᕈᑕᐅᓗᓂ ᐊᒻᒪ ᐃᖅᑲᓇᐃᔭᕕᒋᒋᐊᖅ ᐃᓄᓐᓄᑦ ᐃᖃᓗᓕᕆᓂᕐᒧᑦ ᐃᖅᑲᓇᐃᔭᕐᑎᓄᑦ.”
ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᓇᒻᒥᓂᕆᔭᐅᒻᒪᑕ ᐊᖑᓇᓱᓐᓂᕐᒧᑦ/ᒥᑭᒋᐊᕐᓂᐊᕐᓂᕐᒧᓪᓗ ᑲᑐᔾᔨᖃᑎᒌᓄᑦ ᑕᓪᓕᒪᓂ ᕿᑭᕐᑕᓂ (ᕿᑭᕐᑖᓗᒻᒥ) ᓄᓇᓕᓐᓂ. ᑲᒻᒪᐸᓂᐅᔪᖅ ᓴᖅᑭᑕᐅᓚᐅᕐᓯᒪᔪᖅ ᐋᖅᑭᒃᑕᐅᓪᓗᓂ ᓄᕕᐱᕆ 6, 2001,ᒥ.
ᓯᑰᓴᐸᐃᒃ ᑮᓇᐅᔭᕆᕕᒃ ᓯᕗᓕᕐᑎᐅᓚᐅᕐᑐᑦ ᑮᓇᐅᔭᓂᒃ ᐋᖅᑭᒃᓯᖃᑕᐅᓂᒃᑯᑦ ᐃᓱᓕᓐᓂᖃᕐᑐᓂᒃ $60 ᒥᓕᐊᓂᑦ ᐃᓱᓕᓐᓂᖃᕐᓱᒋᑦ $72ᒥᓕᐊᓄᑦ ᑐᒃᓯᕋᕐᑕᐅᔪᑦ, ᐊᒻᒪ ᐊᑐᕐᑐᐊᕐᓱᑎᒃ ᑮᓇᐅᔭᓂᒃ ᑲᓇᑕᐅᑉ ᐊᓯᐊᓂ ᐱᕙᓪᓕᐊᔪᓕᕆᔨᓂᑦ, Export Development Canada (EDC). ᑖᒃᑯᐊ ᐱᕙᓪᓕᐊᔪᓕᕆᓂᕐᒧᑦ ᑎᒥᐅᔪᑦ, (CanNor),ᑯᑦ ᐊᑐᐃᓐᓇᕈᕐᑎᑦᑎᓯᒪᔪᑦ $3ᒥᓕᐊᓂᒃ ᐊᑎᕐᑎᑕᐅᔪᓐᓇᕐᑐᓂᒃ ᐃᑲᔪᕈᑕᐅᓪᓗᑎᒃ ᐅᒥᐊᕐᔪᐊᕐᑖᕐᓂᕐᒧᑦ.
ᔮᔅ ᒪᐃᓕᑦ, Josh Maillet, ᐊᐅᓚᑦᓯᔨ ᐊᒻᒪ ᑎᒥᐅᔪᒧᑦ ᓯᕗᓕᕐᑎ ᔅᑯᓴᐸᐃᒃᒧᑦ, Scotiabank ᐅᖃᓚᐅᕐᑐᖅ ᐃᒫᒃ “ᐅᐱᒍᓱᑉᐳᒍᑦ ᐃᑲᔪᕐᓯᒋᐊᖅ ᑮᓇᐅᔭᓕᐅᕈᑎᒃᓴᓕᐅᕐᓂᒃᑯᑦ ᕿᑭᕐᑖᓗᒻᒥ ᐃᖃᓗᓕᕆᔨᒃᑯᓐᓄᑦ, ᐃᑲᔪᕈᑕᐅᕙᓪᓕᐊᔪᒃᑯᑦ ᐱᕙᓪᓕᕐᓂᖃᕋᔭᕐᒪᑕ ᓄᓇᕗᒻᒥ ᓄᓇᓖᑦ, ᐊᒻᒪ ᐃᑲᔪᕐᓯᔪᒍᑦ ᐃᓄᐃᑦ ᓇᒻᒥᓂᖃᓂᐊᓂᒃ ᐃᖃᓕᐊᕈᑎᒃᓴᒥᒃ ᐅᒥᐊᕐᔪᐊᖃᓂᒃᑯᑦ. ᑖᒃᑯᐊ ᐋᖅᑭᒃᓱᕐᑕᐅᓯᒪᓂᖏᑦ ᑲᒪᒋᔭᐅᓯᒪᔪᑦ ᓂᐅᕕᐊᒃᓴᓕᐅᕐᓂᕐᒧᑦ ᑮᓇᐅᔭᓕᕆᔨᓄᑦ ᐊᒻᒪ ᓄᓇᖃᖅᑳᕐᓯᒪᔪᓂᒃ ᑮᓇᐅᔭᑎᒍᑦ ᐃᑲᔪᕐᓯᔨᓄᑦ ᑲᔪᓯᖏᓐᓇᖁᓪᓗᒋᑦ ᐃᑲᔪᕐᓯᓂᑦᑎᒍᑦ ᐃᓄᓐᓂᒃ ᓯᕗᓕᕐᑎᓂᒃ ᐱᔅᓇᓯᓕᕆᓂᕐᒧᑦ, ᐊᒻᒪ ᐃᑲᔪᕐᓯᓂᒃᑯᑦ ᐃᖃᓪᓕᐊᕐᓂᓕᕆᓂᒃᑯᑦ ᑲᓇᑕᓕᒫᒥ.”
ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᐱᓕᕆᐊᓂᒃ ᑲᒪᔨᒻᒪᕆᖓ ᑯᕆᔅ ᕙᓚᓂᑲᓐ, Chris Flanagan ᐅᖃᓚᐅᕐᑐᖅ “ᐃᖅᑲᓇᐃᔭᕐᑐᑦ ᔅᑯᓴᐸᐃᒃᒧᑦ ᐱᕕᒃᓴᖃᑎᒻᒪᑎᒍᑦ ᑮᓇᐅᔭᓂᒃ ᐊᑐᕈᓐᓇᕆᐊᖅ ᑲᓇᑕᐅᑉ ᐃᓗᐊᓂ, ᐊᒻᒪ ᐊᑐᕐᑐᐊᕐᑕᐅᓯᒪᔪᑦ ᑮᓇᐅᔭᐃᑦ CanNor,ᑯᓐᓂ ᐸᕐᓇᒃᓯᐊᕐᓯᒪᓂᕐᐸᐅᔪᑦ/ᓴᓇᒋᐊᖅ ᐊᔾᔨᐅᖏᑦᑐᒥᒃ ᐅᑭᐅᕐᑕᕐᑐᒥ ᐃᖃᓪᓕᐊᕈᑕᐅᓗᓂ. ᑖᓐᓇ ᐱᐅᔪᒻᒪᕆᐊᓗᒃ ᓄᑖᖅ ᐅᒥᐊᕐᔪᐊᖅ ᕿᒪᐃᒍᑎᒋᓂᐊᕐᑕᕗᑦ ᐱᒐᓇᕐᓯᒪᖏᑦᑐᓂᒃ, ᐃᒫᒃ ᐱᓕᕆᖃᑎᒋᔭᕗᑦ ᐊᖏᓂᕐᓴᓂᒃ ᐅᑎᕐᕕᐅᖃᑦᑕᕐᓂᐊᕐᒪᑕ, ᐊᒻᒪ ᐊᖏᓪᓕᒋᐊᓪᓚᒍᓐᓇᕐᓱᑎᒃ, ᐱᖃᓯᐅᑎᓗᒍ ᐆᒪᔪᕋᓱᐊᕈᓐᓇᕐᓯᓂᖅ ᐊᔾᔨᒌᖏᑦᑐᓂᒃ ᓯᕗᓂᐊᓂᐊᕐᑐᒥ.”
ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᐅᖃᐅᓯᕆᔭᐅᓂᖏᑦ ᑭᑰᓂᖏᑕ
ᕿᑭᕐᑖᓗᖏᒥ ᐃᖃᓗᓕᕆᔨᒃᑯᑦ ᓇᒻᒥᓂᕆᔭᐅᔪᖅ ᑕᓪᓕᒪᓄᑦ ᐊᖑᓇᓱᑦᑐᓕᕆᓂᕐᒧᑦ/ᒥᑭᒋᐊᕐᓂᐊᕐᓂᕐᒧᓪᓗ ᑲᑐᔾᔨᖃᑎᒌᓄᑦ ᓄᓇᕗᒻᒥ:
ᐊᒪᕈᖅ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᑦ (ᐃᖃᓗᐃᑦ), ᐸᓐᓂᕐᑑᖅ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᑦ (ᐸᓐᓂᕐᑑᖅ) ᒪᔪᑲᓕᒃ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᑦ (ᑭᒻᒥᕈᑦ), ᒥᑦᑎᒪᑕᓕᒃ ᐊᖓᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᑦ (ᒥᑦᑎᒪᑕᓕᒃ), ᐊᒻᒪ ᓇᒪᐅᑕᖅ ᐊᖑᓇᓱᑦᑐᓕᕆᓂᕐᒧᑦ ᑲᑐᔾᔨᖃᑎᒌᑦ (ᑲᖏᑐᒑᐱᒃ).
ᐅᒥᐊᕐᔪᐊᖅ
ᕿᑭᕐᑖᓗᖕᒥ ᐃᖃᓗᓕᕆᔨᒃᑯᑦ ᓇᒻᒥᓂᕆᔭᐅᔪᖅ ᐊᑕᖏᕐᓱᒍ 100% ᐃᓄᓐᓄᑦ, ᐊᒻᒪ ᓇᒻᒥᓂᖃᕐᑐᑦ uit-+ 100%,ᒥ ᐅᒥᐊᕐᔪᐊᒥᒃ ᐱᖓᓱᓂᒃ ᐃᖃᓗᓕᕆᕕᓕᓐᓄᑦ, ᐱᖃᓯᐅᑎᓪᓗᒋᒃ ᒪᕐᕉᒃ ᐊᖏᔪᐊᓘᒃ ᖁᐊᒃᑯᕖᒃ ᐊᔾᔨᒌᖏᑦᑐᓄᑦ ᐃᖃᓗᓐᓄᑦ ᐊᒻᒪ ᖁᐊᑯᕕᑲᓐᓂᖓ ᐋᖅᑭᕐᓱᑉᑕᐅᓪᓗᓂ.
ᖃᓄᐃᖏᑦᓯᐊᕆᐊᖃᕐᓂᕐᒧᑦ, ᐊᑦᑕᓇᖏᑦᑐᒥᒋᐊᖃᓂᕐᒧᑦ ᐊᒻᒪ ᐊᕙᑎᓕᕆᓂᕐᒧᑦ ᐅᖃᐅᓯᑦ
ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᐃᓱᒪᒋᔭᖃᕐᐳᑦ ᖃᓄᐃᖏᑦᓯᐊᕆᐊᖃᓂᖅ, ᐊᑦᑕᓇᖏᑦᑐᒥᒋᐊᖃᓂᖅ ᐊᒻᒪ ᐊᕙᑎᒥᒃ ᑲᒪᑦᑎᐊᕆᐊᖃᓂᖅ ᒥᐊᓂᕐᓯᒍᑕᐅᓂᖏᓐᓂᒃ ᐱᒻᒪᕆᐅᓂᕐᐸᐅᒻᒪᑕ ᐅᕙᑦᑎᓐᓄᑦ ᐱᔅᓇᓯᓕᕆᑦᓯᐊᕆᐊᖅ. ᑲᒻᐸᓂᕗᑦ ᑐᕌᒐᖃᒪᑦ ᑕᒪᒃᑯᐊᓕᒫᑦ ᐱᓕᕆᔭᐅᔾᔪᑎᖃᑎᑕᐅᓂᖏᑎᒍᑦ ᐃᖅᑲᓇᐃᔭᕐᕕᓐᓂ ᐱᕐᓗᐊᕿᔪᖃᖁᓇᒍᑦ, ᐋᓐᓂᕐᑐᖃᖁᓇᒍᑦ ᐊᒻᒪ ᖃᓂᒻᒪᑦᑐᖃᖁᓇᒍᑦ, ᐊᒻᒪ ᑲᔪᖏᕐᓱᐃᕙᑦᑐᑦ ᖃᓄᐃᖏᖏᑦᑎᐊᕐᓂᕐᒥᒃ ᐊᑦᑕᓇᖏᑦᑐᒥᒋᐊᖃᓂᕐᒥᒃ ᐊᒻᒪ ᓴᐳᒻᒥᒋᐊᖃᓂᕐᒥᒃ ᐊᕙᑎᑦᑎᓐᓂᒃ ᐱᓕᕆᔪᓄᑦ ᐃᖅᑲᓇᐃᔭᕐᑎᒋᔭᐅᓪᓗᑎᒃ ᑲᒻᐸᓂᒥᒃ ᑭᒡᒐᕐᑐᕐᑐᓄᑦ.
ᐃᖅᑲᓇᐃᔭᕐᑎᑖᕐᐸᓪᓕᐊᓂᕐᒥᒃ ᐋᖅᑭᒃᓱᐃᕙᓪᓕᐊᓂᖅ
ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᐅᒃᐱᕆᔭᖃᒻᒪᕆᒻᒪᑕ ᑕᒪᒃᑯᐊ ᑮᓇᐅᔭᑎᒍᑦ ᐃᑲᔪᕈᑕᐅᔪᑦ ᐃᖃᓪᓕᐊᕐᓂᒃᑯᑦ, ᐃᓕᓐᓂᐊᕐᐸᓪᓕᐊᓂᖅ, ᐃᖅᑲᓇᐃᔭᕐᑎᑖᕐᐸᓪᓕᐊᓂᖅ, ᐊᒻᒪ ᐃᖅᑲᓇᐃᔭᕐᑎᖃᓂᖅ ᐃᓄᓐᓂᒃ ᐱᕙᓪᓕᕈᑕᐅᔪᕆᓪᓗᒋ ᐱᒻᒪᕆᐅᓂᐊᓄᑦ ᓄᓇᓕᓐᓂ ᐱᕙᓪᓕᕈᑕᐅᒻᒪᑕ.ᕿᑭᕐᑖᓗᒻ ᐃᖃᓗᓕᕆᔨᒃᑯᑦ ᑐᕌᒐᖃᒪᑕ ᐃᓕᓐᓂᐊᕐᓯᒪᔪᓂᒃ ᐱᓕᒻᒪᒃᓴᕐᓯᒪᔪᓂᒃ ᓄᓇᕗᒻᒥᐅᓂᒃ ᐃᖅᑲᓇᐃᔭᕐᑎᖃᕆᐊᖅ ᐊᐅᓚᑕᐅᔪᓕᒫᑎᒍᑦ. ᐃᖅᑲᓇᐃᔭᒃᓴᑦ ᒥᒃᓵᓄᑦ ᐅᖃᕐᕕᒋᓗᒍ ᖃᕙᕙᐅᖅ ᒥᑭᑦᔪᒃ ᐅᕘᓇ. [email protected].
ᑐᑭᓯᒋᐊᒃᑲᓐᓂᕈᒪᔪᖃᓂᕈᓂ ᕿᑭᕐᑖᓗᒻᒥ ᐃᖃᓗᓕᕆᔨᒃᑯᑦ ᒥᒃᓵᓄᑦ:
| ᑕᐃᕕᑦ ᐊᓕᒃᓵᓐᑐᕐ
ᑲᑎᒪᑎᑦᑎᔨ |
ᐃᐅᕆᒃ ᐆᑦᑐᕙᒃ
ᐃᒃᓯᕙᐅᑕᐅᑉ ᑐᓪᓕᐊ
|
ᑯᕆᔅ ᕙᓚᓂᑲᓐ
ᐱᓕᕆᐊᓂᒃ ᑲᒪᔨᒻᒪᕆᒃ
|
| [email protected] | [email protected] | [email protected] |
| 867-222-1715 | 867-223-2376 | 709-325-0679 |